Ҷашни Сада  мероси бузурги ниёгон буда,  ҳамчун мазҳари рушноӣ ва  нуру сафо моро ба  созандагиву ободкорӣ, меҳнати ҳалол, имону эътикод  ба арзишҳои асили башарӣ, эҳтиром ба таъриху фарханги ғании миллӣ  ҳидоят менамояд.

Хушбахтона, ин ҷашн дар замони соҳибистиқлолии кишвар дубора эҳё ва дар ҳар гушаву канори Ватани махбубамон бо вижагихои хоса истиқбол гирифта мешавад. 

Дар хиёбони ба номи Исмоили Сомонии шаҳри Истаравшан бахшида ба ин чашни бузург чорабинии бошукӯҳ доир гардид. Дар чорабинӣ кишоварзон, ҳунармандону кадбонуҳо ва дигар сокинони касбу кори гуногун маҳсули дастони хешро ба маърази тамошо гузоштанд.

Ҳамчунин, ҳунаромӯзони Коллеҷи ҳунарҳои мардумии шаҳри Истаравшан, ки дар ин боргоҳ, ҳунар тавассути услуби устод-шогирд омӯзонида мешавад, намунаи амалҳои дасти хешро намоиш доданд.

Ёдовар бояд шуд, ки Сада дар баробари ҷашнхои Наврӯз, Тиргон ва Меҳргон аз ҷашнҳои чоргонаи мардуми ориёинажод шуморида мешавад, ки моҳи декабри соли 2023-юм ба руйхати фарҳанги ғайримоддии ЮНЕСКО шомил гардид ва ин ҷашни аҷдодӣ муждаи нахуст аз Наврӯз буда, дар замони соҳибистиклолии кишвар дубора эҳё ва дар ҳар гушаву канори Ватани махбубамон бо вижагихои хоса истиҳбол гирифта мешавад. 

Дар идомаи чорабинӣ аз рӯи номинатсияҳои беҳтарин корманди соҳаи кишоварзӣ, хоҷагии деҳқонии беҳтарин  ва ҳунарманди беҳтарин  пешсафон бо ифтихорнома ва туҳфаҳои МИХД-и шаҳри Истаравшан кадрдонӣ  шуданд. 

А. Ҳасанов