Бо шарофати пойдории Истиқлолияти давлатӣ ва дастгириҳои пайвастаи Ҳукумати мамлакат дар ноҳияи Балҷувон давра ба давра бо бунёду мавриди истифода қарор гирифтани иншооти гуногуни наву замонавӣ сатҳи некуаҳволии мардум ба тадриҷ беҳбуд ёфта, заминаҳои рушди иқтисодиёти ноҳия низ таъмин гардидааст.

Ҷиҳати истиқболи сазовор аз ҷашни 35-солагии  Истиқлолияти давлатӣ  дар ноҳияи Балҷувон бунёди 257-иншоот нақшагузорӣ шуда, то ин давра 151-иншоот сохта мавриди истифода қарор гиритфа, дар дигар иншооти бунёдшаванда корҳои сохтмонӣ ҷараён дорад.

Тибқи иттилоъ 80-фоизи иншооти бунёдшавандаи ҷашнӣ бо саҳмгузории соҳибкорони ватанӣ амалӣ шуда истодаанд, ки ин аз таваҷҷӯҳ ва дастгириҳои Ҳукумати мамлакат нисбат ба соҳибкорон ва рушди фаъолияти соҳибкорӣ дарак медиҳад.

Бо назардошти рушду пешрафти ҳама соҳаҳо иншооти бунёдшавандаи ҷашнӣ марбут ба соҳаҳои гуногун мебошад. Аз ҷумла ҳоло дар ноҳия беморхона, марказҳои саломатӣ, 3- муассисаи томактабӣ, 19- муассисаи таҳсилоти миёнаи умумӣ, иншооти фарҳангиву  варзишӣ, 11-корхонаи саноатӣ, меҳмонхона, марказҳои савдову хизматрасонӣ, боғу гулгаштҳо, сохтани роҳу пулҳо, инфрасохтори сайёҳӣ ва даҳҳо иншооти дигари таъиноти гуногун бо фароҳамсозии имконоти муосиру сифати баланди ҷавобгӯ ба талаботи замон бунёд гашта истодаанд.

Бо амалӣ сохтани тадбирҳои созанда ва кабудизорнамоии атрофи идораву ташкилот, хонаҳои истиқоматӣ, кӯчаву маҳал ва саҳни боғу гулгаштҳо дар баробари зебогии ҳусни зоҳирӣ, инчунин шароиту имкониятҳои мусоиди сайру фароғат барои сокинону меҳмонон муҳайё гардидааст.

Дар оянда низ баҳри боз ҳам таъмини шароити мусоиди фаолият дар соҳаҳои гуногун ва зиндагии беҳтар барои сокинон дар ноҳия амалисозии ҳадафҳои бунёдкорона идома ёфта, марҳила ба марҳила нишондодҳо дар ин самт афзун гашта истодааст.

А. Ҳасанов