Дар шаҳри Теҳрони Ҷумҳурии Исломии Эрон 18-умин Намоишгоҳи байналмилалии сайёҳӣ ва саноатии Теҳрон, Tehran International tourism and Related Industries Exhibition (TITE) баргузор гардид, ки дар он ҳайати Ҷумҳурии Тоҷикистон зери роҳбарии раиси Кумитаи рушди сайёҳии назди Ҳукумати Ҷумҳурии Тоҷикистон   иштирок намуданд.

Дар намоишгоҳи мазкур гӯшаи сайёҳии кишвар ташкил карда шуда, дар он зарфияту имкониятҳои сайёҳӣ ва ҳунарҳои мардумӣ ба намоиш гузошта шуданд.

Дар кори чорабинии бошукуҳ Президкнти Ҷумҳурии Исломии Эрон муҳтарам Масъуд Пизишкиён иштирок намуда, ба хотири пос ва гиромӣ доштани муносибатҳои дӯстиву бародарии ду кишвари ҳамфарҳаг ва дӯст аз гӯшаи сайёҳии Ҷумҳурии Тоҷикистон дидан намуданд.

Маврид ба зикр аст, ки дар ҳошияи намоишгоҳи мазкур вохӯрии раиси Кумитаи рушди сайёҳии назди Ҳукумати Ҷумҳурии Тоҷикистон бо як қатор ҳамкорон ва ширкатҳои бонуфузи гардишгарии кишвари Эрон баргузор карда шуд.

Зимни мулоқот масъалаҳои тақвияти ҳамкориҳо дар самти ҷалби сайёҳони тарафайн ба кишварҳои ҳамдигар ва тақвияти ҳамкориҳо дар соҳаи сайёҳӣ баррасӣ гардид.

Ҷонибҳо ба мувофиқа расиданд, ки баргузории намоиши маҳсули ҳунармандони эронӣ дар Тоҷикистон ва тоҷикистонӣ дар Эронро ба роҳ монанд.

А. Ҳасанов