Дар нишасти матбуотии Прокуратураи генералии Ҷумҳурии Тоҷикистон қайд карда шуд, ки дар давоми соли 2024 аз ҷониби мақомоти прокуратура 6973 санҷиш гузаронида, 4172 парвандаҳои ҷиноятӣ оғоз намуда, 62945 нафар ба ҷавобгарии интизомӣ, моддӣ ва маъмурӣ кашида шуда, ҳуқуқу манфиатҳои 261022 нафар барқарор карда шуданд.

Ҳамзамон, зикр шуд, ки дар самти риоя ва иҷрои қонунгузорӣ оид ба ҳимоя ва дастгирии давлатии соҳибкорӣ 137 санҷишҳо гузаронида шуда, бо натиҷаи он 623 санадҳои эътинои прокурорӣ оварда шуда, 274 нафар ба ҷавобгарӣ кашида шуда, 24 парвандаи ҷиноятӣ оғоз карда шудааст.

Дар давраи ҳисоботӣ барои вайрон кардани танзими ҷашну маросим 1692 нафар ва таълиму тарбияи кӯдак 4746 нафар ба ҷавобгарӣ кашида шуда, 237 ҳолати монеъ шудан ба гирифтани таҳсилоти ҳатмии асосӣ ошкор ва чораандешӣ карда шуд.

А. Ҳасанов