Бо ҳадафи истифодаи иқтидорҳои воқеии сайёҳии деҳот ва рушди он, тараққӣ додани соҳаи гардишгарӣ ва дар ин замина муаррифӣ намудани таъриху фарҳанг, анъанаҳои миллӣ ва эҳёву ҳифзи ҳунарҳои мардумӣ 1-уми апрели соли 2022 Муассисаи давлатии телевизиони “Сайёҳӣ ва ҳунарҳои мардумӣ” дар фазои иттилоотии мамлакат фаъолияти худро оғоз намуд. Имрӯз аз таъсиси ин шабакаи ҷолибу диданӣ 3 сол пур гардид.  Телевизиони “Сайёҳӣ ва ҳунарҳои мардумӣ” аз дастгоҳи марказӣ, ҳайати эҷодӣ иборат аз 5 раёсат, 4 шуъба, 3 бахш, инчунин Маҷмааи таҷҳизоти студиявӣ ва шуъбаҳои техникию хизматрасонӣ иборат мебошад.

Огоҳ намудани аҳолии мамлакат бо хабару гузоришҳои муҳим, барномаҳои сайёҳӣ ва ҳунарҳои мардумӣ ва ҷалби бештари  сайёҳони хориҷӣ ба мамлакат рисолати асосии телевизиони “Сайёҳӣ ва ҳунарҳои мардумӣ” дониста мешавад ва  муддати се сол баҳри иҷрои ин амал кормандони  муассиса  ҳамвора талош намуданд ва минбаъд низ ин масъулиятро сарбаландона иҷро менамоянд.

Қобили зикр аст, ки телевизиони «Сайёҳӣ ва ҳунарҳои мардумӣ» тибқи оинномаи муассиса барномаҳои худро бо забони давлатӣ ва забонҳои хориҷӣ, аз ҷмуо русӣ ва англисӣ пахш менамояд ва имрӯз дар шабака як қатор барномаҳои диданӣ ва роликҳои тарғиботӣ бо забонҳои тоҷикӣ, русӣ ва англисӣ пахш мегардад.

Муасссисаи давлатии телевизиони “Сайёҳӣ ва ҳунарҳои мардумӣ” ҳамчун шабакаи соҳавӣ дар инъикосӣ  маконҳои гардишгарӣ, эҳёи ҳунарҳои мардумӣ, рушди сайёҳии дохилӣ, мавзеъҳои таърихӣ саҳми бориз дошта пайваста дар ин роҳ хабару гузоришҳои оҷилӣ,  барномаҳои ҷолибу диданиро таҳия менамояд. Имрӯз аз таъсиси ин шабакаи диданӣ 3 сол пур шуд.

А. Ҳасанов