Форуми “Табдили рақамӣ: дурнамо ва роҳҳои ҳал”  бо ташаббуси  Хадамоти алоқаи назди Ҳукумати Ҷумҳурии Тоҷикистон дар ҳамкорӣ бо Созмони байнамилалии алоқа ва Иттиҳоди минтақавӣ дар соҳаи алоқа дар Китобхонаи миллӣ  бо иштироки намояндагони соҳаи алоқа аз дохил ва 19 кишвари хориҷи мамлакат баргузор шуд.

 Гуфта шуд, ки ҷониби Тоҷикистон омода аст, ки бо созмонҳои марбута ва кишварҳои дуру наздик  дар бахши алоқа ҳамкориҳои судмандро тақвият бахшад.

Дар идома доир ба вазъи соҳаи алоқа ва иқтидори транзитии кишвар маълумот ироа гардид, гуфта шуд, ки бахши хусусӣ дар бозори телекоммуникатсияи Ҷумҳурии Тоҷикистон нақши асосӣ дорад. Аз 30 ширкату провайдерҳои фаъолияткунанда, 29-то ба ин бахш рост меояд.  Ҷумҳурии Тоҷикистон аз соли 1991 узви комилҳуқуқи Комиссияи Иттиҳоди минтақавӣ дар соҳаи алоқаи барқӣ буда, нахусин бор аст, ки ҷаласаи ин комиссия дар кишвари мо дар сатҳи баланди байналмилалӣ, бо фарогирии масъалаҳои васеи соҳаи алоқа ва ҳамоишҳои гуногуни канорӣ баргузор мегардад.

А. Ҳасанов