Дар доираи баргузории Фестивали гулҳо таҳти унвони “Сайри гули лола” дар ҳудуди шаҳри Душанбе ба миқдори 5 миллиону 859 ҳазору 25 адад гулҳои лола шинонида шуданд, ки аз нақшаи пешбинишуда зиёд мебошад. Дар ин замина имрӯз пойтахти мамлакат  ба шаҳри зебою гулпуш ва макони боздиди сайёҳон мубадал гардидааст. 

Бо мақсади таъмини истироҳату фароғати сокинону сайёҳон, масъулин мегӯянд корҳои ободониву бунёдкориро тамоми сол дар ҳудуди шаҳр пайваста бароҳ монда, бо ин роҳ дар зебо гардонидани пойтахти кишвар саҳми худро мегузоранд.  

Гули лола бо номи “арӯси сол” ва “маликаи табиат” машҳур буда, дорои аз 50 то 100  навъ аст. Ёдовар мешавем, ки шанбе ва якшанбеи чоруми моҳи апрел дар Тоҷикистон таҳти унвони «Сайри гули лола» Фестивали ҷумҳуриявии гулҳо гузаронида мешавад. Ин фестивал шуруъ аз соли 2019 дар ҷумҳурӣ баргузор мешавад. Ҳадаф аз баргузории он баланд бардоштани сатҳи донишу маърифат, фарҳангу ҷаҳонбинӣ, бедор намудани завқи зебоипарастӣ дар зеҳни ҳар сокини мамлакат мебошад.

А. Ҳасанов