Даври минтақавии озмуни ҷумҳуриявии “Малакаи касбӣ”, байни хонандагони Муассисаҳои таҳсилоти миёнаи касбии шаҳру ноҳияҳои вилояти Суғд дар синфхона ва устохонахои таълимӣ – истеҳсолии МДТ “Литсейи касбӣ – техникии сохтмони шаҳри Хуҷанд” аз рӯи касбу ихтисосҳои системаи компютерӣ ва интернет – технология, дуредгар, гаҷкор, монтиёри барқӣ, муҳосиб, дӯзанда, кафшергари газию баркӣ, сантехник, автоэлектрик, челонгари муҳаррики автомобил, сартарош, ошпаз-каннод, ки хонандагон дар рафти таҳсил ин касбу ихтисосҳоро меомӯзанд, доир карда шуд.

Дар шаҳру ноҳияҳои вилояти Суғд барои соҳибкасб намудани наврасону ҷавонон, омӯзиши касбу ҳунарҳои зарурӣ 22 – литсейҳои касбӣ-техникӣ фаъолият доранд, ки хонандагон баъди хатми синфи 9 ва 11 дар ин боргоҳи ҳунар ба таври назариявӣ ва амалӣ касбу ихтисосҳои  зарурии талаботи бозори меҳнатро меомӯзанд.

А. Ҳасанов