Котиби иҷроияи Комиссияи иқтисодии Созмони Милали Муттаҳид барои Аврупо (UNECE), хонум Татяна Молчан, дар доираи иштирокаш дар Форуми байналмилалии сармоягузории «Душанбе Инвест -2025», ки аз 14 то 16 октябр дар пойтахти Тоҷикистон баргузор шуд, аз Осорхонаи миллии Тоҷикистон боздид намуд, хабар медиҳад АМИТ «Ховар» бо такя ба манбаи Осорхонаи миллӣ.

Дар рафти сайри осорхона меҳмонон бо таърихи пурарзиш ва мероси фарҳангии халқи тоҷик шинос шуданд. Ба онҳо намунаҳои барҷастаи ёдгориҳои таърихӣ ва дастовардҳои соҳаи фарҳанг ва рушди кишвар дар даврони соҳибистиқлолӣ муаррифӣ гардиданд.

Хонум Татяна Молчан аз дидори толорҳои намоишӣ ва имкони шиносоӣ бо фарҳанг ва таърихи қадимаи тоҷикон изҳори қаноатмандӣ кард ва таассуроташро дар китоби «Меҳмонони фахрӣ»-и Осорхонаи миллии Тоҷикистон сабт намуд.

АКС: Осорхонаи миллии Тоҷикистон