Осорхонаи таърихии шаҳри Роғун ҷиҳати баланд бардоштани сатҳи маърифатнокии аҳолии шаҳру деҳот ва сайёҳону меҳмонон хизмати фарҳангӣ расонида, ҳамарӯза дарҳояш барои қабули тамошобинон боз аст. Тавре иттилоъ дода шуд, то ба имрӯз дар осорхона 1205 нигораҳо ва калексияҳои нодири таърихӣ ҳифз карда мешавад.

Имрӯз дар баробари  бозидиди сокинони шаҳр аз осорхона, ҳамзамон, ташрифи меҳмонону сайёҳони хориҷӣ низ рӯз ба рӯз бештар мегардад. Ҳамин аст, ки аксарияти онҳоро шаҳрвандон аз кишварҳои Италия, Ҳиндустон ва Эрон, ки дар НБО-и “Роғун” фаъолият  доранд, ташкил медиҳад.

Бино ба иттилои масъулин, танҳо дар давоми соли 2024 наздики 1200 нафар аз осорхона дидан намуданд, ки 250 – нафари онҳоро сайёҳон ташкил медиҳанд.

Дар асоси “Барномаи ҳифзи мероси ғайримоддии фарҳангии халқи тоҷик барои солҳои 2021-2025”   пайваста аз  аҳолии минтақаҳо ва деҳоти шаҳр нигораҳо ва осори таърихӣ ҷамъовари гардида, ба фонди осорхона ворид карда мешаванд.

А. Ҳасанов