Дар Муассисаи давлатии “Боғи Ирам-и” шаҳри Душанбе Фестивали байналмиллалии “Наврӯз-мероси фарҳангию ҷаҳонгардӣ” баргузор гардид.  Дар фестивали мазкур ҳунармандону сокинони мамлакат аз тамоми манотиқи ҷумҳурӣ ҷамъ омада, ҳунари худро баҳри меҳмон ва сайёҳони хориҷӣ ба намоиш гузоштанд. 

Ҳадаф аз баргузории фестивал эҳё намудани анъанаҳои Наврузӣ ва ба ин васила муаррифӣ намудани фарҳанг, тамаддун ва таърихи халқи тоҷик дар арсаи байналмилалӣ, тарбия намудани наврасону ҷавонон дар руҳияи худшиносию худогоҳӣ ва эҳтиром гузоштан ба арзишҳои миллӣ мебошад.

Мавриди ёдоварӣ аст, ки бо дастгирии Ҳукумати мамлакат, хусусан  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ  Наврузи байналмиллалӣ дар  тамоми манотиқи  ҷумҳурӣ бо як шукуҳу шаҳомати хоса таҷлил гардида истодааст. 

А. Ҳасанов