“Вазорати фарҳанги Ҷумҳурии Тоҷикистон барои баргузории таҳқиқоти бостоншиносӣ ба олимону бостоншиносон 26 иҷозатнома дод. Дар айни замон 2 ёдгории нав дар ноҳияи Айнӣ ва шаҳри Панҷакент кашф гардиданд” –  ин нуктаро  зимни нишасти матбуотӣ Вазири фарҳангӣ Тоҷикистон ба хабарнигорон иттилоъ дод.

Дар нишасти матбуотӣ ҳамчунин иттилоъ дода шуд, ки дар айни замон корҳо дар самти таҳия ва ворид намудани наминасияҳои  «Ахтаршиносӣ/ситорашиносӣ», афсонаҳои «Ҳазору як шаб» ва «Нардбозӣ» ҳамчун бозии миллӣ ва мардумӣ, инчунин номинатсияи «Тоқӣ» ба Феҳристи репрезентативии ЮНЕСКО идома дошта, аз ҷониби Пажуҳишгоҳи илмӣ-тадқиқотии фарҳанг ва иттилоот Феҳристи миллии мероси фарҳанги ғайримоддӣ такмил дода мешавад.

Инчунин, дар нишаст  қайд гардид, ки Фонди осорхонаҳои ҷумҳурӣ якҷоя бо фонди Осорхонаи миллии Тоҷикистон, осорхонаи Академияи  илмҳои Ҷумҳурӣ ва хона музейҳо 316326 адад нигораҳои дорои арзиши баланди таърихию фарҳангиро ташкил намуда, дар давраи ҳисоботӣ осорхонаҳои шаҳру ноҳияҳои мамлакат 286 сайри осорхонавиро бо фарогирии 7584 сайёҳони хориҷӣ доир намуда дар сати фаъолияти илмӣ 59 чорабинии илмӣ – фарҳангӣ баргузор гардид.  

А. Ҳасанов