Хатсайри сайёҳии “Сайри Сада” бори нахуст  дар пойтахти мамлакат роҳандозӣ гардида, дар он намоянадагони корпуси дипломатӣ, донишҷӯёни хориҷии муассисаҳои таҳсилоти олии худуди шаҳри Душанбе, сайёҳони хориҷӣ, роҳбарону кормандони соҳаҳои тандурустӣ, маориф, фарҳанг, занон, ҷавонон ва варзиши шахри Душанбе, ширктахои сайёҳӣ иштирок намуданд. 

Хатсайри мазкур аз назди муҷассамаи Шоҳ Исмоили Сомонӣ оғоз гардида, ба самти Боғи фарҳангиву фароғатии ба номи Абулқосим Фирдавсӣ, макони  таҷлили Ҷашни Сада  ҳаракат намуд.

Дар масири муайянгардида, хатасайри сайёҳӣ харакат намуда, меҳмонону сайёҳон дар ҷараёни сафар бо иқтидор ва зарфиятҳои сайёҳии пойтахт шинос гардида, таассуроти нек бардоштанд.

Ҳадаф аз ташкили хатсайрҳои сайёҳӣ рушди соҳаи сайёҳӣ, ташаккул ва муаррифии бренди миллии сайёхи, маркетинг ва пешбурди маҳсулоти соҳаи сайёҳӣ, ҳифз, инкишоф ва истифодаи оқилонаи захираҳои табиию рекреатсионӣ ва мероси таърихию фарҳангӣ дар доираи таҷлили ҷашни Сада арзёбӣ мегардад.

Ҳайати иштирокчиёни хатсайр   дар макони баргузории ҷашни Сада – Боғи фараҳангию фароғатии ба номи Абулқосим Фирдавсӣ бо тантанаҳои идонаи ҷашни Сада шинос гардиданн.

Зимни боздид ба меҳмонон ва иштирокчиёни хатсайр намоиши  ҳунарҳои мардумӣ, хӯрокҳои миллӣ, анвои меваҳои хушку шириниҳо ва дигар маҳсулотҳое, ки ифодагари ҷашни Сада мебошанд, муаррфӣ гардид.

Бояд тазаккур дод, ки меҳмонону сайёҳони хориҷӣ маҳз дар ҳамин гуна ҷашнҳои миллӣ, бахусус ҷашнҳои Сада, Наврўз, Тиргон ва Меҳргон бо урфу одат, расму оин, ҳунарҳои қадимаи дастӣ ва таомҳои миллии мо, тоҷикон аз наздик шинос мешаванд.

Ин чашнҳо дар муаррифии таъриху фарханги бостонии миллати точик, тарғиби имконияти сайёҳии мамлакат, бахусус пойтахти кишвар ва ҷалби бештари сайёҳони хориҷӣ, ҳамчун бренди миллии сайёҳӣ нақши арзанда мегузоранд.  

А. Ҳасанов