Дар нишасти матбуотии Корхонаи воҳиди давлатии Бонки амонатгузории Чумхурии Точикистон “Амонатбонк” қайд гардид, ки дар иртибот ба Фармони Президенти Ҷумҳурии Точикистон аз санаи 22 июни соли 2023, №586 “Дар бораи тадбирҳои вусъат додани ҳисоббаробаркунии ғайринақдӣ”, Бонк инфрасохтори заруриро дар нозиротҳои андоз ва филиалҳои марказҳои хизматрасонии бонкӣ дар тамоми ҷумҳурӣ фароҳам овардааст. Аз ҷумла ҷиҳати ба роҳ мондани пардохти ҳамаи андозҳо ва боҷҳои давлатӣ барои додани иҷозатномаҳо, ҷаримаҳо, маблағи суғуртаи ҳатмӣ, хизматрасониҳои комуналӣ ва дигар намудҳои хизматрасонии давлатӣ аз ҷониби Амонатбонк 1085 адад постерминалҳо дар тамоми ҷумҳурӣ фаъол гардонида шуданд.

Ҳамчунин, дар идомаи нишасти мазкур қайд гардид, ки дар соли 2024 аз ҳисоби захираҳои дохилию хориҷӣ ба зиёда аз 69 ҳазор муштарӣ 2,5 млрд сомонӣ маблағҳои қарзӣ пешниҳод намудааст, ки дар муқоиса ба соли 2023 ҳаҷми қарздиҳӣ 36% ва шумораи қарзгирон 31,3 зиёд гардидааст.

Дар идомаи нишасти матбуотӣ зикр шуд, ки Амонатбонк дар соли 2024 ба зиёда аз 16 ҳазор корхонаю ташкилотҳо, зиёда аз 858 ҳазор нафар нафақагирони мақомотҳои ҳифзи иҷтимоии аҳолӣ ва мақомотҳои ҳифзи ҳуқуқ, 2,4 млн нафар амонатгузорон таввасути 75 филиал ва 547 адад марказхои хизматрасонии бонкт бо шумораи зиёда аз 3 ҳазор нафар кормандон хизматрасонӣ намуда истодаанд.

А. Ҳасанов