Бунёди муассисаҳои наву замонавии тандурустӣ, таъсиси ҷойҳои нави корӣ ва ба маротиб беҳтар шудани сатҳи хизматрасонии тиббӣ дар шаҳру ноҳияҳои мамлакат аз рушди ин соҳа дарак медиҳад.

Фаъолияти Донишгоҳи давлатии тиббии Хатлон дар ноҳияи Данғара бо фароҳамсозии тамоми имкониятҳои муосири таълим яке аз дастовардҳои арзандаи соҳаи тандурустӣ на фақат барои ноҳияи Данғара, балки миқёси ҷумҳурӣ ба ҳисоб меравад. Таълиму тадриси донишҷўён дар бинои таълимӣ ва дар 5-пойгоҳҳои: Беморхонаи марказӣ, беморхонаи ҷумҳуриявии клиникӣ, Маркази санитарию эпидемиологӣ, беморхонаи вилоятии бемориҳои сироятӣ ва Маркази тиббии бисёрсоҳавии ноҳияи Данғара ба роҳ монда шудааст.

Ҳоло дар Донишгоҳ 2604-нафар донишҷӯ аз рӯи 5-ихтисос вобаста ба хусусияти фанҳо ва соатҳои таълимӣ барои аз курсҳои якум то шашум аз рӯи 87-фанҳои таълимӣ бо фарогирии 21-кафедра ба омӯзиш ҷалб шудаанд.

Дар Донишгоҳ барои гузаронидани машғулиятҳои назариявию амалӣ барои донишҷӯён тамоми шароитҳои зарурӣ фароҳам оварда шудааст.

Айни замон дар донишгоҳ 24-озмоишгоҳи таълимӣ ва ташхисӣ мавҷуд аст, ки барои дар амал татбиқ сохтани донишҳои назариявӣ ва мукаммалсозии малакаи касбии донишҷӯён мусоидат менамояд.

Ҳоло 540 номгӯи таҷҳизоти муосири техникӣ бо теъдоди 1571-то дар раванди таълиму тарбия ва корҳои илмии донишҷўёну омўзгорон истифода бурда мешавад.

А. Ҳасанов