Баргузории Форуми дуюми блогерони ҷавони Тоҷикистон таҳти унвони  “Нақши блогерон дар рушди ҷомеа, пешбурди фарҳанг ва арзишҳои миллӣ”   ҳамчун як платформаи муҳим ҷиҳати рушди фазои рақамӣ, баланд бардоштани маърифати иттилоотӣ ва таҳкими ҳуввияти миллӣ тавассути ВАО-и рақамӣ  саривақтӣ арзёбӣ шуд. 

Ҳадафи асосии Форуми мазкур мусоидат ба сиёсати давлатии иттилоотӣ, густариши ҳамкорӣ байни блогерон, ВАО ва ниҳодҳои давлатӣ, инчунин, истифодаи самараноки шабакаҳои иҷтимоӣ барои рушди ҷомеа, ва таблиғи мавзеҳои сайёҳии мамлакат  ба шумор меравад.

Имрӯзҳо блогерон на танҳо ҳамчун офарандагони мундариҷаи рақамӣ, балки ҳамчун роҳнамоёни афкори ҷомеа ва тарғибгарони арзишҳои миллӣ ва фарҳангӣ нақши муҳим дошта, метавонанд дар ташаккули афкори ҷомеа, рушди тафаккури интиқодӣ ва пешгирии паҳншавии иттилооти бардурӯғ саҳми назаррас гузоранд.  

А. Ҳасанов