Дар ноҳияи Данғара даври ноҳиявии озмуни ҷумҳуриявии  «Кадбонуи беҳтарин» бо омодагии ҳамҷониба ва бо иштироки беҳтарин кадбонуҳо, донандагону пазандагони хурокҳои қадима сурат гирифт, ки дар он аз ҳамаи ҷамоатҳои шаҳраку деҳот ва ташкилоту муассисаҳо ширкат намуда, ҳунари худро намоиш доданд.

Озмуни мазкур, ки бо мақсади ҷалб намудани занону духтарони ҳунарманд, кадбонуҳои соҳибзавқ ба эҳё ва рушди анъанаҳои миллӣ, баланд бардоштани маърифати хонадорӣ, омода намудани духтарон ба ҳаёти мустақилона, эҳё ва ҳифзу нигоҳдошти беҳтарин суннатҳои миллии ниёгонамон дар самти омода намудани хӯрокҳои миллӣ, таомҳои маҳаллӣ, баланд бардоштани завқи кадбонугӣ ва ҳунари дастархонороӣ роҳандозӣ гардида буд,  ҳайати ҳакамон тамошо ва натиҷагирӣ карданд.

Дар охири чорабинӣ, беҳтаринҳо аз ҷониби ҳайати ҳакамон муайян гардида, бо ифтихорномаву туҳфаҳои МИҲД-и ноҳия қадршиносӣ шуданд ва  ба даврҳои минбаъдаи озмуни ҷумҳуриявии “Кадбонуи беҳтарин” роҳхат гирифтанд.

А. Ҳасанов