Ҳайти устодону донишҷуёни  Филиали Донишгоҳи миллии тадқиқотӣ-технологии МИСиС дар шаҳри Душанбе бо як рӯҳияи болида ва арҷгузорӣ ба фарҳанги деринаи худ бо тамоми расму оин ва фазилатҳои неки инсонӣ ҷашни Наврӯзро  дар саҳни муасисса дар сатҳи баланд истиқбол  намуданд.

Оростани дастурхони Наврӯзӣ,  аз қабили “ҳафсин”-у “ҳафтшин”, ки хос ба ин ҷашни фархундааст, аз ҷониби омӯзгорону донишҷӯён пешниҳод гардида, ҳамзамон дар гӯшаи дигар  бозиҳои миллии варзишӣ иҷро гардид.

Роҳбарият ва ҳайати меҳмонон аз намоишгоҳ, ки дар он маҳсули дасти донишҷӯёну омӯзгорони муассиса ба маъраз гузошта шуда буд дидан карда, ба хони наврӯзӣ ва иҷрои сунату оинҳои ин ҷашни аҷдодӣ баҳои баланд доданд.

Зимни сухарнорӣ таъкид шуд, ки ҷашни фархундаи Наврӯз ба қалби хурду бузурги ҷомеа умеду орзуи зиндагӣ, хушҳоливу сурур ва рӯҳияи ҳамзистиву осоиш бахшида, мардумро ба дӯстиву самимият ва муҳаббату садоқати инсонӣ нисбат ба ҳамдигар ҳидоят мекунад.  

Ҳунарнамоии ҳунармандони маъурфи мамлакат ва шеъру таронаву базму тараби идона дар фазои осоиштагии Тоҷикистон   анҷомбахши чорабинии ҷашнии Наврӯзи байналмилаӣ дар Филиали Донишгоҳи миллии тадқиқотӣ-технологии МИСиС дар шаҳри Душанбе   гардид. 

А. Фаррух