Дар доираи дастуру супоришҳои Роҳбарияти олии мамлакат пас аз таваққуфи бештар аз 20-сол имрӯз, ҳавопаймоии АН-28 нахустин парвози хешро дар масири Душанбе -Ховалинг роҳандозӣ намуд. Парвоз аз ҷониби ширкати ҳавопаймоии “Тоҷик Эйр” сурат гирифта, дар он 17 нафар аз намояндагони ВАО, фаъолони шабакаҳои иҷтимоӣ ва ҳайати кормандони ширкат сафар намуданд.  

Нархи чипта дар масири Душанбе-Ховалинг 350 сомонӣ буда, давомнокии  парвоз ним соатро дар бар мегирад. Тибқи иттилоъ парвоз   ҳафтае як маротиба рӯзи шанбе  бо мусоид будани  боду ҳаво анҷом дода мешавад.   

Фаъол гардонидани парвозҳо дар  хатсайрҳои маҳаллӣ  ба осон гардонидани   рафтуомади шаҳрвандон ба шаҳру ноҳияҳои дурдасти ҷумҳурӣ ва ҳамзамон дар рушди соҳаи сайёҳӣ дар мамлакат  нақши муассир мегузорад. Зеро ноҳияи Ховалинг бо иқтидору зарфияти сайёҳӣ метавонад, сайёҳони дохилию хориҷиро ҷалб намояд ва дар роҳандозии ин тадбирҳо ифтитоҳи хастайри нав саҳми арзанда мегузорад.

А. Ҳасанов