Дар меҳмонхонаи Суғдиёни маркази вилояти Суғд шаҳри Хуҷанд бо иштироки намояндагони соҳаи сайёҳии Ҷумҳуриҳои Тоҷикистон, Қирғизистон ва Узбекистон зери унвони “Наврӯз-қадимтарин мероси маданиву сайёҳии минтақа” форуми байналмилалиӣ баргузор гардид, ки дар рафти он масъалаҳои рушди соҳа ва раванди ҳамкориҳои муштараки самти сайёҳи баррасӣ гардиданд. 

Дар кори форум намояндагони ҷумҳуриҳои Қирғизистон ва Узбекистон таъкид доштанд, ки минбаъд метавон баҳри рушд додани соҳаи сайёҳӣ пеш аз ҳама ба таври муштарак муаррифии имкониятҳои сайёҳии минтақа ва ҷаҳон, фаъолияти ширкатҳои муштарак барои қабули сайёҳони кишварҳои Аврупо, Амрико ва дигар кишварҳои дурро ба рох монд, зеро ин омил ҷиҳати  ҷалби бештари сайёҳон мусоидат мекунад.

Дар Форуми байналмилалии “Наврӯз-қадимтарин мероси маданиву сайёҳии минтақа”, ки дар вилояти Суғд бо ширкати намояндагони ҷумҳуриҳои Тоҷикистон, Узбекистон ва Қирғизистон сурат гирифт, масъулин бобати мустаҳкам намудани  рушди ҳамкориҳо дар самти сайёҳӣ ва  ҳалли масъалаҳои дар ин самт вуҷуддошта  ба тафоҳум расиданд.

А. Ҳасанов