Ҷиҳати тарғибу ташвиқи либоси миллӣ ва дар  замири насли ҷавон тарбия намудани меҳру муҳаббат нисбати либоси миллӣ  бо ташаббуси шуъбаи кор бо занон ва оилаи Мақомоти иҷроияи ҳокимияти давлатии ВМКБ ва шаҳри Хоруғ  ҳамоиши “Тоҷикона мепушем”  баргузор гардид, ки дар он занон ва духтарони идораву муассисаҳо ва донишҷӯёни Донишгоҳи давлатии Хоруғ ширкат варзиданд. 

Маврид ба зикр аст ки либоси миллӣ, симои миллат ва рукни фарҳанги аҷдодиямон буда, ёдгоре аз гузаштагон аст ва тули қарнҳо зебоиашро гум накардааст. Таърих гувоҳ аст, ки зан – модари тоҷик дар ҳама давру замон посдори оину анъанаҳои муқаддаси халқамон буданд ва чунин хоҳад монд. 

Ҳадаф аз баргузории чунин фестивал – озмунҳо ва аксияҳои тарғиби либосҳои миллӣ дар эҳё ва рушди санъати асили ниёгон унвон гардида, дар азбайн бурдани бегонпарасӣ нақши арзишманд мегузорад.   

А. Ҳасанов