Дар меҳмонхонаи Серенаи шаҳри Душанбе  бо ибтикори  Кумитаи рушди сайёҳии назди Ҳукумати Ҷумҳурии Тоҷикистон  ҳамоиши муаррифии натиҷаи корҳои анҷомдодашуда аз ҷониби ширкатҳои байналмилалии машваратии Кейос ва Ҳидрия дар самти рушди сайёҳӣ баргузор гардид. Дар кори ҳамоиш корҳои анҷомшуда доир ба 8-лоиҳаи ширкатҳои мазкур маълумот манзур гардид. 

Гуфта шуд, ки Кумитаи рушди сайёҳии назди Хукумати Чумхурии Точикистон бо мақсади амалисозии сиёсати Ҳукумати Ҷумҳурии Тоҷикистон дар соҳаи сайёҳӣ фаъолияти худро ба татбики босамари лоиҳаи “Рушди сайёҳӣ”, ки аз чониби Бонки Осиёии Рушд маблағгузорӣ мешавад, равона намудааст.

Ёдовар бояд шуд,ки дар доираи лоиҳаи “Рушди сайёҳӣ” бо мақсади таҳия намудани нақшаҳои генералии сайёҳии шаҳри Душанбе ва минтакҳои атрофи он ва нақшаи генералии сайёҳии минтақаи Кӯҳҳои Фон ва омода намудани лоиҳаҳои гуногуни сармоягузорӣ дар соҳаи сайёҳӣ 20 ноябри соли 2023 бо ширкатҳои машваратии байналмилалии Ҳидрия аз Подшоҳии Испания ва ширкати Кейос аз Ҷумҳурии Италия қарордод ба имзо расид.

Дар маҷмуъ дар доираи нақшаҳои сайёхии болозикр аз ҷониби ширкатҳои Ҳидрия ва Кейос рўйхати 70 лоиҳаи сармоягузорӣ  пешниҳод гардид, ки  8 – тои онҳо  аз зумраи лоиҳаҳои афзалиятноки сармоягузорӣ, аз ҷумла “Алоқаи ҳавоӣ”, “Рушди сайёҳии шаҳри сабз дар Душанбе”, “Рушди шабакаи фарҳангӣ дар Душанбе, минтақаҳои атрофи он ва вилояти Хатлон” “Идоракунӣ ва Маркетинг”, “Шабакаи мамнӯъгоҳҳои табиӣ дар Кӯҳҳои Фон”, “Рушди намудҳои варзиши обӣ ва истироҳатгоҳ дар соҳили Баҳри Тоҳик”, “Барномаи рушди минтаҳаи сайёҳии Хуҷанд” ва “Барномаи рушди минтақаи сайёҳии Айнӣ”    маҳсуб гардиданд.

Дар идомаи ҳамоиш аз ҷониби мушовирони ин ширкатҳо оид ба 8 – лоиҳаи афзалиятноки сармоягузорӣ, ки аллакай давраи асосноккунии пешакии иктисодию техникии онхо ба анҷом расидааст,  оид ба нақшаҳои генералии сайёҳии минтакаҳои болозикр тариқи ҳузурӣ ва маҷҷозӣ маълумот  пешниҳод гардид.

Дар анҷом миёни иштирокдорон доир ба корҳои анҷомшуда дар ин самтҳо суолу ҷавоб доир  шуд.

А. Ҳасанов