Яке аз роҳҳои ҳалли бомуваффақияти мушкилоти марбут ба тағйирёбии иқлим рушди “иқтисоди сабз” мебошад, ки дар навбати худ заруррати энергияи сабзро бавуҷуд меорад. Бо дарки муҳимияти ин масъала бо ибтикори Муассисаи давлатии “Институти илмию тадқиқотии рушди устувор ва иқтисоди сабз”-и Донишгоҳи байналмилалии сайёҳӣ ва соҳибкории Тоҷикистон дар мавзуи “Саҳми Ҷумҳурии Тоҷикистон дар татбиқи ҳадафҳои рушди устувор ва дипломатияи сабз” конфронси байналмилалии илмию амалӣ баргузор гардид.
Зикр гардид, ки дар шароити муосир, рушди устувор яке аз самтҳои асосии стратегии сиёсати байналмилалӣ ва миллӣ дар самти иқтисод, ҷомеа ва муҳити зист маҳсуб меёбад.
Нотиқон зимни ироаи маърузаҳои хеш ҳамаи ташаббусҳои ҷаҳонии Пешвои муаззами миллатро дар роҳи таъмини рушди устувор, истифодаи самараноки захираҳои обӣ, тағйирёбии иқлим ва иқтисоди “сабз”, ки омили баланд гардидани нуфузи кишвар дар арсаи ҷаҳонӣ ва боиси ифтихори ҳар як сокини кишвар гардидаанд, ёдовар шуданд.
Дар маҷмӯъ, Ҷумҳурии Тоҷикистон тавассути ташаббусҳои худ дар сатҳи байналмилалӣ бо роҳбарии Пешвои миллат дар роҳи рушди сабз ва татбиқи Ҳадафҳои Рушди Устувор саҳми назаррас гузошта, пешбарандаи дипломатияи “сабз” ва ҷонибдори густариши ҳамкориҳои судманд бо ҳамаи кишварҳои ҷаҳон ва созмонҳои байналмилалӣ мебошад.
А. Ҳасанов
