Дар шаҳри Душанбе дар доираи баргузории Конфронси байналмилалии сатҳи баланд оид ба ҳифзи пиряхҳо Форуми кӯдакон ва ҷавонон бахшида ба ҳифзи пиряхҳо (Тавонмандсозии насли оянда: садоҳо барои ҳифзи пиряхҳо ва иқдоми иқлимӣ) оғоз шуд.

Форуми наврасон ва ҷавонон оид ба ҳифзи пиряхҳо ва амалиёти иқлим машғулияти омӯзишӣ ва суҳбатҳои интерактивиро дар бар гирифта, дар он ҷавонон бо сиёсатмадорон ба таври мустақим табодули андеша намуданд.

Дар форуми мазкур беш аз 100 нафар ҷавонон аз Тоҷикистон ва хориҷи мамлакат иштирок доранд, ки 10 нафарашон намояндаи мамлакатҳое мебошанд, ки дар он ҷо пиряхҳо аз тағйирёбии иқлим осебпазир мебошанд.

А. Ҳасанов