Имрӯз  дар Академияи миллии илмҳои Тоҷикистон бахшида ба 1045-солагии донишманди маъруфи тоҷик, табиби оламшумул, ҳаким  Абуалӣ ибни Сино Симпозиуми байналмилалӣ дар мавзуи «Саҳми Абуалӣ ибни Сино дар рушди илм, фалсафа ва тамаддуни ҷаҳонӣ» оғоз гардид. Дар ин хусус ба АМИТ «Ховар» аз Академияи миллии илмҳои Тоҷикистон хабар доданд.

Дар симпозиум бо иштироки донишмандони маъруфи ватаниву хориҷӣ саҳми Ибни Сино дар рушди илм, аҳамияти осори Абуалӣ ибни Сино дар замони муосир, масъалаҳои омӯзиши осори энсиклопедии Абуалӣ ибни Сино дар асоси сарчашмаҳои боэътимоди таърихӣ ва дастхатҳо, робитаҳои фарҳангии халқҳои минтақа ва ҷаҳон дар асрҳои миёна ва мақоми Абуалӣ ибни Сино дар он ва ғайра мавриди баррасӣ қарор дода мешаванд.

АКС: Академияи миллии илмҳои Тоҷикистон