Бо шарофати Истиқлолияти давлатӣ ҷашнҳои аҷдодӣ аз нав эхё гардида, онро сокинон бо риояи оину сунатҳои нек истиқбол мегиранд. Ҷашни Сада низ дар баробари Навруз, Меҳргон ва Тиргон ҷанбаи муҳими тарбиявию ахлоқӣ дошта, он ҳамчун як ҷашни кадимаи миллати тоҷик ва мужда аз фарорасии баҳор ҳамасола ба таври пуршукуҳ дар саросари мамлакат таҷлил карда мешавад. Дар маркази   шаҳри Панҷакент ин ҷашни аҷодӣ дар сатҳи баланд таҷлил гардид, 

 Дар маркази  шаҳр кишоварзон, ҳунармандон, таббоҳон, намояндагони ташкилоту муассисаҳои шаҳр  намунаи маҳсулоти гуногуни кишоварзӣ, ниҳол, ҳунарҳои мардумӣ ва анвои таомҳои миллиро ба маъраз гузошта, санъаткорон дар ҳар гӯшаи идгоҳ ба тараннуми ободию осудагии кишвар, суннатҳои ҷашни қадимаи  Сада   мепардохтанд.

Таъкид шуд, ки ин ҷашн яке аз идҳои чоргонаи  қадимаи миллати тоҷик буда, маҳз бо шарофати сиёсати фарҳангпарваронаи Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон дар даврони истиқлол эҳё гардид ва зиёда аз ин, соли гузашта  ба Феҳристи мероси ғайримоддии башарии ЮНЕСКО шомил шуд.

Кишоварзон, дар умум ҳама сокинони шаҳри Панҷакент  дар доираи омодагиҳо ба фасли кишту кор ва ҷашни 35- солагии истиқлоли давлатии кишвар бо  ниҳолшинонию сабзгардонии маҳали зист, тавсеаи корҳои ободонӣ ин ҷашни куҳани миллиро истиқбол намуданд.

А. Ҳасанов