Дар нишасти матбуотиии Мақомоти иҷроияи ҳокимияти давлатии шаҳри Душанбе ба хабрнигорон иттилоъ дода шуд, ки  яке аз бахшҳои муҳими иҷтимоӣ ва иқтисодӣ дар фаъолияти мақомоти шаҳри Душанбе соҳаи сайёҳӣ ва  фарҳанг ба шумор рафта, масъулини соҳа баҳри дар сатҳи муносиб баргузор намудани иду ҷашнҳо, аз ҷумла Наврӯзи байналмиллаӣ як қатор тадбирҳоро амалӣ намуда истодаанд.

Ёдовар бояд шуд, ки имрӯз шаҳри Душанбе ҳамчун макони баргузории чорабиниҳои сатҳи ҷаҳонӣ шинохта шуда, баргузории чорабиниҳои мухталиф дар пойтахти мамлакат ба ҷалби бештари сайёҳони хориҷӣ ба кишвар замина гузоштааст.

Гуфт шуд, ки соли сипаришуда беш аз 1,2 миллион нафар сайёҳ тариқӣ тамоми гузаргоҳҳои сарҳадӣ ба ҷумҳурӣ ворид гардидаанд, ки аз ин шумора зиёда аз 771 ҳазор нафар аз маконҳои таърихию сайёҳии пойтахт дидан намудаанд.

Дар ҷараёни нишаст роҳбарияти Мақомоти иҷроияи ҳокимияти давлатии шаҳри Душанбе ба пурсишу суолҳои намояндагони воситаҳои ахбори омма оид ба паҳлуҳои алоҳидаи фаъолияти шаҳрдорӣ ва нишондодҳои рушди иҷтимоӣ иқтисодии шаҳри Душанбе посух гуфтаанд.

А. Ҳасанов