Дар шаҳри Милани Ҷумҳурии Италия аз ҷониби  Fiera Milano – муҳимтарин ширкати ташкили намоишгоҳҳо ва конгрессҳо дар ин кишвар Биржаи байналмилалии сайёҳӣ  аз   9-ум то 11-уми  феврали соли 2025 баргузор гардид, ки беш аз 1000 намояндаи  ширкат   ва  ташкилотҳои байналмилалии сайёҳи аз 64 кишвари ҷаҳон иштирок намуданд. 

Тибқи иттило  дар ин намоишгоҳи сатҳи ҷаҳонӣ, ки бо номи  Borsa Internazionale del Turismo маъруф аст, ҳайати Ҷумҳурии Тоҷикистон низ иштирок намуданд.

Дар намоишгоҳи байналмилалии сайёҳӣ ва тиҷоратии bit 2025  ки 11 уми феврал ба анҷом расид, роҳбарону кормандони субъектҳои хизматрасонии соҳаи сайёҳии Тоҷикистон бо истифода аз фурсати муносиб дар ин бозори ҷаҳонии сайёҳӣ зарфиятҳои сайёҳии Тоҷикистонро ба дӯстдорон ва алоқамандони  саёҳат муаррифӣ намуданд.

Мавриди ёдоварӣ аст, ки намояндагони ширкатҳои сайёҳии Ҷумҳурии Тоҷикистон ҳамасола дар намоишгоҳҳои бонуфузи сайёҳӣ мунтазам иштирок карда, имконоти фаровони сайёҳии Тоҷикистонро пешниҳоди  ҷаҳонгардон менамоянд. Иштирок дар ин  намоишгоҳи бонуфузи сайёҳӣ  низ аз манфиат холӣ набуда, ҷиҳати ҷалби сайёҳон, табодули таҷрибаи субъетҳои хидматрасонии сайёҳӣ ва ворид шудан ба бозорҳои сайёҳии Аврупою Амрикои Ҷанубӣ тавассути ин гуна  бозорҳои сайёҳӣ  имкони бештарро фароҳам меорад.

А. Ҳасанов