Зимни нишати матбуотии Филиали Донишкадаи рушди менеҷменти Сингапур  дар шаҳри Душанбе гуфта шуд, ки Донишкада аз рӯи 26 ихтисос мутахассис омода менамоянд, ки дар он зиёда аз 11000 донишҷӯ  таҳсил менамоянд ва аз ин, ҳудуди 3000 нафарашон донишҷӯёни хориҷӣ аз 62 давлати ҷаҳон мебошанд.

Зикр шуд, ки Филиали Донишкада дар соли таҳсили 2024 барои кушодани ихтисосҳо соҳаи мубрами замон, аз қабили “Мудирияти туризми байналмилаӣ”, “Менеҷменти бизнес ва молия”, “Менеҷменти бизнес  ва маркетинг”, “Киберамният”  ва “Технологияи иттилоотӣ”  аз Агентии назорат дар соҳа маориф ва илми назди Президенти Ҷумҳурии Тоҷикистон соҳиби иҷозатнома   гардидааст ва дар назар аст, дар оянда боз чанд ихтисои соҳаи сайёҳии нав таъсис дода шавад.

Дар идомаи нишаст гуфта шуд, ки омӯзиш ва таҳлилҳо нишон доданд, ки аз ихтисос ва факултетҳои мавҷуда  дар  Филиали Донишкадаи рушди менеҷменти Сингапур  дар шаҳри Душанбе  дар шароити имрӯзаи Ҷумҳурии Тоҷикистон ва бо тақозои зарурат дар навбати аввал  дар се самти афзалиятнок –  самти сайёҳӣ ва меҳмондорӣ, самти менеҷменти молия, тиҷорат, маркетинг ва саноат ва ҳамзамон, самти технологияи иттилоотӣ ва киберамният омодасозии мутахассисони варзида роҳандозӣ мегардад.

А. Ҳасанов