Соли равон аз таъсисёбии Қувваҳои мусаллаҳи кишвар 32 сол пур шуд. Бахшида ба ин сана дар Кохи фарҳанги ба номи Абуабдуллоҳ Рӯдакии шаҳри Хуҷанд ҷамъомади идона баргузор гашт.

Муовини якуми Вазири мудофиа-сардори ситоди генералии Кувваҳои мусаллаҳи Ҷумҳурии Тоҷикистон ва Роҳбарияти МИХД-и вилояти  Суғд зимни суханронӣ нахуст, кули хизматчиёни ҳарбӣ ва сокинони вилоятро ба муносибати 32-юмин солгарди таъсисёбии Қувваҳои мусаллаҳи Ҷумҳурии Тоҷикистон муборакбод гуфта, таъкид намуданд, ки маҳз ба шарофати Истиқлоли давлатӣ ва талошҳои пайгиронаи  Пешвои миллат, Президенти кишвар мӯҳтарам Эмомалӣ Раҳмон Қувваҳои мусалллаҳ дар давраи бисёр ҳассос ва вазнини таърихӣ аз сифр оғоз ёфта, марҳила ба марҳила бо техникаҳои пуриқтидори ҷангӣ, мутахассисони соҳибкасб таъмин ва дар ҳифзи ватан омода гашт.

Ҳукумати мамлакат аз рӯзҳои нахустини таъсиси Қувваҳои мусаллаҳ бо вуҷуди имконияти ниҳоят маҳдуди иқтисодиву молиявӣ барои бунёди инфрасохтори низомӣ, таъсиси ҷузъу томҳои махсусгардонида, таъмини онҳо бо техникаву таҷҳизоти замонавӣ ва фароҳам овардани шароити зарурӣ барои хизмат ва зиндагӣ тамоми тадбирҳоро амалӣ намуд ва ин раванд имрӯз низ идома меёбад. 

Имрӯзҳо дар тамоми воҳиду сохторҳои Артиши миллӣ шарту шароити замони муосир фароҳам оварда шуда, Қувваҳои мусаллаҳ бо навтарин яроқу аслиҳа, техникаҳои вазнини ҷангӣ ва афсарони соҳибтахассус таъмин мебошад.

Дар чорабинии тантанавӣ  ба як қатор хизматчиёни ҳарбӣ Сипосномаи мақомоти иҷроияи ҳокимияти давлатии вилоят, туҳфаҳои хотиравӣ ва сипосонаи Вазорати мудофиаи Чумхурии Точикистон супорида шуд.

Пешниходи  барномаи рангини консертии саршор аз меҳри Ватан ба рафти ҷамъомади тантанавӣ шукуҳи дигар бахшид.

А. Ҳасанов