Таҷлили бо тантанаи 32-юмин солгарди таъсисиёбии Қувваҳои мусаллаҳи Ҷумҳури Тоҷикистон дар ВМКБ дар Театри вилоятии ба номи Меҳрубон Назарови шаҳри Хоруғ доир гардид.   

Қабл аз оғози чорабини идона бахшида ба 32 – юмин солгариди таъсисёбии Қувваҳои мусаллаҳи кишвар  Парчами давлатии Ҷумҳурии Тоҷикитон бо тантана вориди толор гардонида шуда, Суруди миллии Ҷумҳурии Тоҷикистон садо дод.

Зимни суханронӣ роҳбарияти ВМКБ кайд дошт, ки таъсиси Кувваҳои мусаллаҳи кишвар дар даврони басо ҳасоос барои миллати тоҷик ба миён омада, бо талошҳои  хастанопазири Пешвои муаззами миллат Президенти мамлакат, Сарфармондеҳи Олии Қувваҳои мусаллаҳи кишвар муҳтарам Эмомалӣ Раҳмон амалӣ гардид.  

Такид шуд, ки имрӯз бо ифтихор гуфта метавонем, ки Кувваҳои мусаллаҳи Тоҷикистон ҳанӯз дар рӯзҳои авали таъсисёбиааш дар роҳи ҳифзи дастовардҳои истиқлолият барқарор кардани сохти конститутсионӣ ва ҳифзи сарҳади давлатӣ хизмати фидокоронаро анҷом дода, имрӯз ба як нерӯи тавонои ҳарбӣ табдил ёфтааст.

Дар идомаи чоарбинии тантанавӣ барои саҳми босазо гузоштан дар таъмини ҳифзи марзу буми ватан, волояти қонун ва суботи иҷтимоӣ, нишон додани масъулияти баланди хизматӣ зимни иҷрои ӯдадориҳои ҳарбӣ, иштироки фаъолон дар корҳои ҷамъиятӣ ва ба муносибати 32-юмин солгарди таъсисёбии Қувваҳои мусаллаҳи Ҷумҳурии Тоҷикистон бо ифтихорнома ва туҳфаҳои хотиравӣ чанде аз  фаъолон дар вазъияти тантанвӣ қадрдонӣ гардиданд.

Дар фарҷоми чорабинии тантанавӣ барномаи консертии омоднамудаи аҳли фарҳанги вилоят бо мазмуни ватандорӣ, матонату хештаншиносӣ пешкаши ҳозирин гардонида шуд.

А. Ҳасанов