Баҳри  ташвиқу тарғиби анъанаҳои неки ниёгон, муаррифии фарҳангу ҳунари халқи тоҷик ҳамасола дар мамлакат ҷашнвораҳои бошукуҳи байналмиллалӣ, фестивалу озмунҳои ҷумҳуриявӣ, конфронсу симпозиумҳо ва дигар тадбирҳо амалӣ карда мешавад. Баргузории озмуни “Сад ранги чакан” низ  яке аз тадбирҳои асили гиромидошти арзишҳои фарҳангӣ   мебошад, ки сокинони норҳияи Данғара ин чорабиниро дар сатҳи баланд такшилу баргузор намуданд

Дар чорабинии мазкур тарроҳон ва бонувону ҷавондухтарони хушзавқ аз ҷамоатҳои шаҳраку деҳот ва муассисаҳои таълимии ноҳия маҳсули дасторанҷи хешро ба намоиш гузошта, ҳунари волои зани тоҷикро муаррифӣ намуданд.

Дар намоишгоҳ якчанд намунаи ин санъати бостонии тоҷикон аз қабили либосу лавозимоти рузгор, курта, сузанӣ, болишт ва тоқӣ, ки бо нақшҳои гуногун оро дода шуда буданд, пешкаши ҳакамон гардид.

Дар ин рӯз занону бонувон, тароҳону ҳунармандон, дар доираи  низомномаи фестивал, ки аз руи  6 бахш баргузор гардид, ширкат намуда, бо нишон додани ҳунари тарроҳӣ, чакандӯзӣ  ва молу маҳсулоте, ки дар онҳо аз нақши чакан истифода шудааст, ҳунарнамоӣ карданд.

Дар чорабинӣ тароҳон асосан, либосҳои кӯдакона, маросимӣ, қадима, замонавӣ ва расмиро  пешкаши ҳозирин ва аъзои ҳакамон гардониданд.

Мавриди зикр аст, ки баргузории фестивал – озмуни “Сад ранги чакан”  яке аз тадбирҳои асили гиромидошти арзишҳои фарҳангӣ буда, ҳадафи он баланд бардоштани эҳсоси ватандустиву хештаншиносӣ, ифтихори ватандорӣ, арҷ гузоштан ба таъриху тамаддун, фарҳангу адабиёт, расму оинҳои милливу марудмӣ ва ба ин васила муаррифии санъату ҳунари волои халқи тоҷик мебошад.

А. Ҳасанов