Дар Муассисаи  давлатии  Мачмааи  фархангию таърихии Калъаи Хучанд даври вилоятии фестивал-озмуни “Сад ранги чакан”  баргузор карда шуд, ки дар он 30 нафар голибони даври шаҳрӣ аз рӯи 6 номинатсия иштирок намуданд. Баргузории фестивал яке аз тадбирхои гиромидошти арзишхои асили фарханги буда, он ба таргибу ташвики либоси миллӣ, баланд бардоштани мақому манзалати нақшу нигор, сузанидузиву гулдузии матоъҳои миллӣ, намоиш додани ҳунари волои тарроҳону ҳунармандони равона гардидааст.

 Гуфта шуд, ки  бо иқдоми Пешвои миллат, муҳтарам Эмомалӣ Раҳмон чиҳати  баланд бардоштани мақому манзалати нақшу нигор номинаи “Чакан-ҳунари гулдӯзӣ дар Тоҷикистон” ба руёхати  мероси фарханги гайримоддии башарият –  ЮНЕСКО ворид гардид. Маҳз ҳамин ғамхориҳо ва ривоҷ додани    ҳунармандӣ дар мамлакат  буд, ки сафи   ҳунармандон сол то сол зиёд шуда, навовариву эҷодкориашон афзун ва сатҳи зиндагиашон шоиста гардидааст.

Фестивал-озмун аз рӯи шартҳои намоиши либосҳои қадима, кӯдакона, идонаву рӯзмарраву расмӣ сурат гирифт. Гулдухтарон маҳсули дастони иштирокчиёни озмунро ба бар намуда,  бо чакану куртаҳои садранги гулбабари хеш, саҳнаро шахомати хоса бахшиданд ва ҳунари тарроҳони  чирадастро ба ҳакамону тамошобинон намоиш доданд.

Дар фарҷом  аз рӯи шартҳои фестивал ғолибон муайян шуда, ба даври ҷумҳуриявӣ роҳхат гирифтанд ва қадрдонӣ гаштанд.

А. Ҳасанов