29-уми май дар шаҳри Душанбе дар доираи баргузории Конфронси сатҳи баланд оид ба ҳифзи пиряхҳо Форум доир ба самти идоракунии устувории об дар Осиёи Марказӣ: Нақши мониторинги криосфера дар қабули қарор дар бораи тақсимоти об баргузор шуд.
Дар кори форум ба масъалаҳо оид ба идоракунии устувории об дар Осиёи Марказӣ, мушкилоти глобалии тағйирёбии иқлим ва таъсири босуръати он ба пиряхҳои минтақаи Осиёи Марказӣ, оқибатҳои обшавии пиряхҳо ва дастрасии об, хатарҳои табиӣ ва суботи минтақавӣ таваҷҷӯҳ зоҳир шуда, зарурати фаврии кабули мониторинги илмӣ, стратегияҳои мутобиқшавӣ ва ҳамкории байналмилалӣ барои ҳалли ин мушкилот таъкид шуд.
“Тоҷикистон, ки ҳудуди 60 дарсади манобеъи оби Осиёи Марказиро таъмин мекунад, дар идоракунии минтақавии об нақши калидӣ дорад ва бо кишварҳои Осиёи Марказӣ ва созмонҳои байналмилалӣ ҳамкории фаъол дорад” – зикр шуд дар ҷараёни форуми мазкур.
