Дар меҳмонхонаи “Ҳаят Реҷенсӣ”-и шаҳри Душанбе дар доираи Конфронси байналмилалии сатҳи баланд оид ба ҳифзи пиряхҳо Форуми муколамаи вазирон оид ба устувории иқлим, ҳифзи пиряхҳо ва ҳамкорӣ дар соҳаи об баргузор гардид.

Форум аз ду ҷаласа иборат буда, ҷаласаи аввал сиёсатмадорони сатҳи баланд, аз ҷумла вазирони муҳити зистро гирди ҳам овард, то стратегияҳо ва сиёсатҳои миллӣ оид ба ҳифзи пиряхҳо, мутобиқсозии иқлим ва ҳамкориҳои обро баррасӣ кунанд.

Ҷаласаи дуюм ба бунёди шабакаҳо ва шарикӣ барои муттаҳид кардани кӯшишҳои ҳифзи табиат тавассути ҷалби ҷомеаҳо, бахусус ҷавонон, занон, академияҳо ва бахши хусусӣ тамаркуз равона гардид.