“Соли 2024 дар миқёси Ҷумҳурӣ зиёда аз 280 ҳазор нафар дар курсҳои кутоҳмуддати касбомӯзӣ ба таълимӣ касбӣ фаро гирифта шуданд. Аз ҷумла, дар муассисаҳои таълими касбии мақомоти меҳнат ва шуғли аҳолӣ 86532 нафар шаҳрванд ба курсҳои кӯтоҳмуддати тайёрии касбӣ ва Тартиби амалисозӣ ва расмиёти эътирофи салоҳияти калонсолон ҷалб гардиданд, ки 30,9 фоизи шумораи умумиро дар сатҳи ҷумҳурӣ ташкил ва ё худ нисбат ба соли гузашта ба андозаи 10,9 фоиз ё 4578 нафар зиёд мебошад”- ин нуктаро имрӯз Вазири меҳнат муҳоҷират ва шуғли аҳолии Тоҷикистон зимни нишасти муатбуотӣ ба хабарнигорон иттилоъ дод.

Инчунин, дар нишаст гуфта шуд, ки касбомӯзон асосан аз рӯйи касбу ихтисосҳои дӯзандагӣ 20,2 фоиз аз шумораи умумии касбомӯзон ва кафшергари барқӣ 10,4 фоизро ташкил карда ба омӯзиш фаро гирифта шуданд.

Дар нишасти матбуотӣ ҳамзамон, қайд гардид, ки шумораи умумии ҳунармандон зиёда аз 18654 нафаро ташкил дода, барои ташкили махзани маълумот шакли ҳисоботи омории 1- Шӯрои ҳунармандӣ таҳия ва бо фармоиши дахлдори Агентии омори назди Президенти Ҷумҳурии Тоҷикистон тасдиқ карда шуд.

Мавриди зикр аст, ки ҳаҷми истеҳсоли маснуоти саноатии ҳунармандон дар соли 2024 ба 101,9 млн. сомонӣ баробар шудааст.

Маълумоти мазкур аз он шаҳодат медиҳад, ки дар ҷумҳурӣ соҳаи ҳунармандӣ рушд ёфта, ҳунармандон бештар ба истеҳсоли маснуоте, ки аз гузаштагонамон мерос мондааст, аҳамияти ҷиддӣ медиҳанд.

Дар нишасти матбуотӣ қайд гардид, ки соли сиапригардида ду маркази касбомузӣ ва соҳибкорӣ дар шаҳрҳои Хуҷанд ва Бохтар, инчунин ду маркази рушди малакаҳо дар ноҳияҳои Данғара ва шаҳри Роғун бо иштироки   Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуданд. 

А. Ҳасанов