14 декабри соли 2022 Маҷмаи Умумии Созмони Милали Муттаҳид зимни -иҷлосияи 77-ум Қатъномаи «Соли 2025 – Соли байналмилалии ҳифзи пиряхҳо»-ро, ки аз ҷониби Ҷумҳурии Тоҷикистон пешбарӣ шуда буд, бо иттифоқи оро қабул намуд. Ин қатънома аз қатъномаҳои нодир ба ҳисоб меравад, зеро дар он ҳам эълони Рӯзи байналмилалӣ ва ҳам Соли байналмилалӣ дарҷ гардидааст. 

Ёдовар бояд шуд, ки нақши пиряхҳо дар таҳаввулоти кураи Замин ва инсоният хеле бузург аст. Имрӯз дар тамоми ҷаҳон пиряхҳо босуръат кам мешаванд. Ташаббусҳои Президенти Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон, ки доир ба масъалаҳои об, иқлим ва пиряхҳо дар сатҳи ҷаҳонию минтақавӣ пешниҳод мегарданд, ба паст гардонидани хавфи офатҳои табиӣ, идоракунии оқибатҳои тағйирёбии иқлим ва рушди соҳаҳои иқтисодиёт, аз ҷумла, кишоварзӣ, хоҷагии об, энергетика ва нақлиёт мусоидат менамоянд.

А. Ҳасанов